5
Loading...
रामा रघुनंदना
आश्रमात या कधी रे येशिल, रामा रघुनंदना
मी न अहिल्या शापित नारी
मी न जानकी राजकुमारी
दीन रानटी वेडी शबरी
तुझ्या पदांचे अखंड चिंतन, ही माझी साधना
पतितपावना श्रीरघुनाथा
एकदाच ये जाताजाता
पाहिन, पूजिन, टेकिन माथा
तोच स्वर्ग मज, तिथेच येईल पुरेपणा जीवना
– ग. दि. माडगूळकर
View MoreTags: Smita Haldankar
5Loading...
प्रभाती सूर नभी रंगती, दशदिशा भूपाळी म्हणती
पानोपानी अमृत शिंपित
उषा हासरी हसते धुंदित
जागी होऊन फुले सुगंधित तालावर डोलती
कृषीवलांची हाक ऐकुनी
मोट धावते शेतांमधुनी
पक्षी अपुल्या मधुर स्वरांनी, स्वरांत स्वर मिळविती
प्रसन्‍न वदनी सुहासिनी कुणि
सडे शिंपिती मृदुल करांनी
श्रीविष्णूचे नाम स्मरूनी तार कुणी छेडिती
– रमेश अणावकर
5Loading...
Omkar Swarupa
“ॐकार स्वरूपा”
ॐकार स्वरूपा, सद्गुरू समर्था ।
अनाथाच्या नाथा, तुज नमो ।
तुज नमो, तुज नमो, तुज नमो ॥१॥
नमो मायबापा, गुरुकृपाघना ।
तोडी या बंधना मायामोहा ।
मोहोजाळ माझे कोण नीरशील ।
तुजविण दयाळा सद्गुरुराया ॥२॥
सद्गुरुराया माझा आनंदसागर ।
त्रैलोक्या आधार गुरुराव ।
गुरुराव स्वामी असे स्वयंप्रकाश ।
ज्यापुढे उदास चंद्र-रवी ।
रवी, शशी, अग्‍नि, नेणति ज्या रूपा ।
स्वप्रकाशरूपा नेणे वेद ॥३॥
एका जनार्दनी गुरू परब्रह्म ।
तयाचे पैनाम सदामुखी ॥४॥
– संत एकनाथ
5Loading...
Ghanshyam Sundara
घनश्याम सुंदरा श्रीधरा अरुणोदय झाला
उठिं लवकरि वनमाळी उदयाचळी मित्र आला
आनंदकंदा प्रभात झाली उठी सरली राती
काढी धार क्षीरपात्र घेउनी धेनु हंबरती
लक्षिताती वासुरें हरी धेनु स्तनपानाला
सायंकाळीं एके मेळीं द्विजगण अवघे वृक्षीं
अरुणोदय होताच उडाले चरावया पक्षी
प्रभातकाळी उठुनि कावडी तीर्थ पथ लक्षी
करुनि सडासंमार्जन गोपी कुंभ घेऊनी कुक्षीं
यमुनाजळासि जाति मुकुंदा दध्योदन भक्षी
कोटी रवीहून तेज आगळें तुझिया वदनाला
होनाजी हा नित्य ध्यातसे हृदयी नाम माला
– शाहीर होनाजी बाळा
21Loading...अनंत कोटी ब्रह्मांडनायक महाराजा धिराज योगीराज
परब्रम्ह श्री सच्छितानंद सद्गुरू साईनाथ महाराज की जय.
साई बाबा च्या भक्तांसाठी इथे काही साईबाबा स्टेटस दिले आहे ते पहा व शेअर करा.
स्वर्गात पण जे सुख मिळणार नाही
ते तुझ्या चरणाशी आहे….
कितीही मोठी समस्या असुदे
साईनाथा तुझ्या नावातच समाधान आहे
ॐ साई राम शुभ साई सकाळ
