“देव माझा विठू सावळा”

देव माझा विठू सावळा
माळ त्याची माझिया गळा

विठू राहे पंढरपुरी, वैकुंठच हे भूवरी
भीमेच्या काठी डुले भक्तीचा मळा

साजिरे रूप सुंदर, कटी झळके पीतांबर
कंठात तुळशीचे हार, कस्तुरी टिळा

भजनात विठू डोलतो, कीर्तनी विठू नाचतो
रंगून जाई भक्तांचा पाहुनी लळा

“ब्रम्हा विष्णू आणि महेश, सामोरी बसले”

ब्रम्हा विष्णू आणि महेश, सामोरी बसले

मला हे दत्त गुरु दिसले || धृ ||

माय उभी हि गाय होवुनी, पुढे वासरू पाहे वळूनी

कृतज्ञेतेचे श्र्वान बिचारे पायावर झुकले || १ ||

चरण शुभंकर फिरता तुमचे, मंदिर बनले उभ्या घराचे

घुमटा मधुनी हृदय पाखरू, स्वानंद फिरले || २ ||

तुम्हीच केली सारी किमया, कृतार्थ झाली माझी काया

तुमच्या हाती माझ्या भवती, औदुंबर बसले || ३ ||

“आता बोला मुखाने हरि नाम जय जय राम “

आता बोला मुखाने हरि नाम जय जय राम

आता बोला मुखाने जय जय राम, जय जय राम जय जय राम

आता तरी बोला मुखाने जय जय राम || धृ ||

राम नामाने वाल्या कोळी तरला, वाल्याचा वाल्मीकी झाला

ऐसे हरिनामाचे काम…. जय जय || १ ||

राम नामाने अघटित घडले, पाण्यावरती पाषाण तरले

ऐसे हरिनामाचे काम…… जय जय || २ ||

एकाजनार्दनी राम नाम, उद्धरिले भाविकात

ऐसे हरिनामाचे काम ….. जय जय || ३ ||

“पाऊले चालती पंढरीची वाट”

पाऊले चालती पंढरीची वाट
सुखी संसाराची तोडूनिया गाठ

गांजुनिया भारी दुःख दारिद्र्याने
पडता रिकामे भाकरीचे ताट
पाऊले चालती …

आप्त‍ इष्ट सारे सगेसोयरे ते
पाहुनिया सारे फिरविती पाठ
पाऊले चालती …

घेता प्रसाद श्री विठ्ठलाचा
अशा दारिद्र्याचा व्हावा नायनाट
पाऊले चालती …

मन शांत होता पुन्हा लागे ओढ
तस्सा मांडी गोड संसाराचा थाट
पाऊले चालती …

देव माझा विठू सावळा
माळ त्याची माझिया गळा

विठू राहे पंढरपुरी, वैकुंठच हे भूवरी
भीमेच्या काठी डुले भक्तीचा मळा

साजिरे रूप सुंदर, कटी झळके पीतांबर
कंठात तुळशीचे हार, कस्तुरी टिळा

भजनात विठू डोलतो, कीर्तनी विठू नाचतो
रंगून जाई भक्तांचा पाहुनी लळा

“विठुमाऊली तू माऊली जगाची”

विठुमाऊली तू माऊली जगाची
माऊलीत मूर्ति विठ्ठलाची, विठ्ठला मायबापा

काय तुझी माया सांगु शिरीरंगा
संसाराचि पंढरी तू केली पांडुरंगा
डोळ्यातून वाहे माय चंद्रभागा
अमृताची गोडी आज आलीया अभंगा
विठ्ठला पांडुरंगा
अभंगाला जोड टाळचिपळ्यांची
माऊलीत मूर्ति विठ्ठलाची, विठ्ठला मायबापा

लेकरांची सेवा केलीस तू आई
कसं पांग फेडू, कसं होऊ उतराई
तुझ्या उपकारा जगी तोड नाही
ओवाळीन जीव माझा सावळे विठाई
विठ्ठला मायबापा
जन्मभरी पूजा तुझ्या पाउलांची
माऊलीत मूर्ति विठ्ठलाची, विठ्ठला मायबापा