Karanji Recipe

---

17. करंजी

साहित्य
करंजी सारण :
– 1 1/4 कप खोवलेला ओला नारळ
– 3/4 कप किसलेला गूळ
– 1/2 चमचा वेलची पूड
करंजी पिठासाठी:
– 3/4 कप मैदा
– 2 चमचा रवा
– 1 चमचा तूप
– 3/4 कप दूध
– तळण्यासाठी तेल
पद्धत
– पातेल्यात नारळ व गूळ एकत्र करून मध्यम आचेवर शिजवावे. वेलचीपूड घालावी आणि मिश्रण करावे.
– एका भांड्यात रवा आणि मैदा एकत्र करावा.
– तूप गरम करून घालावे.
– थोडे थंड झाले कि तूप सर्व मैद्याला लागेल असे मिक्स करावे.
– अंदाजे गार दूध घालावे आणि पिठ मळून घ्यावे. थोडा वेळ झाकून ठेवून द्यावे.
– १५-२० मिनीटांनी दूधाचा हबका मारून पिठ कुटून घ्यावे. पिठाचे मध्यम गोळे करून घ्यावेत.
– आता करंजी करण्यासाठी तयार आहोत परंतु आधी करंज्या वाळू नयेत म्हणून एक ताटली आणि एक ओला पिळून घेतलेला कपडा तयार ठेवावा.
– करंज्या करण्यासाठी पिठाची एक गोळी मळून घ्या. गोल आणि पातळसर पुरी लाटून घ्यावी. मध्यभागी नारळाचे सारण घालावे.
– पुरीच्या अर्ध्या कडेला दूध लावावे म्हणजे दोन्ही कडा निट चिकटतील. उरलेली रिकामी अर्धी बाजू दूध लावलेल्या बाजूवर आणून चिकटवावी. सारण बाहेर येणार नाही याची काळजी घ्यावी.
– कातणाने अधिकचे पिठ कापून घ्यावे.
– करंजी करून झाली कि ती ताटलीत ठेवून वरून ओला कपडा टाकून झाकावी. अशाप्रकारे सर्व करंज्या करून घ्याव्यात.
– तेल गरम करावे. मध्यम आचेवर करंज्या सोनेरी रंगावर तळून घ्याव्यात.