“मॉडर्न बालगीत”

आई बाबांच्या हातात बसलंय कोण?
इटुकले पिटुकले मोबाईल दोन!

मीचमीच करती येता फोन
टिंगटाँग टिंगटाँग वाजती टोन!

“शाळा सुटली पाटी फुटली
आई मला भूक लागली

शाळा सुटता धावत सुटले
ठेच लागुनी मी धडपडले
आई मजला नंतर कळले
नवीन कोरी पाटी फुटली

“या बालांनो या रे या !
लवकर भरभर सारे या !

मजा करा रे मजा करा !
आज दिवस तुमचा समजा.

“छम् छम् छम्….. छम् छम् छम्
छडी लागे छमछम विद्या येई घमघम
छम् छम् छम्….. छम् छम् छम्

मोठ्या मोठ्या मिश्या डोळे एवढे एवढे लाल
दंतोजींचा पत्ता नाही खप्पड दोन्ही गाल
शाळेमधल्या पोरांना हा वाटे दुसरा यम
छम् छम् छम्

“सांग सांग भोलानाथ पाऊस पडेल काय ?
शाळेभोवती तळे साचून सुट्टी मिळेल काय ?

भोलानाथ दुपारी आई झोपेल काय ?
लाडू हळूच घेताना आवाज होईल काय ?

“चांदोबा चांदोबा भागलास का?
निंबोणीच्या झाडामागे लपलास का?

निंबोणीचे झाड करवंदी
मामाचा वाडा चिरेबंदी.