परंपरा आम्ही जपतो..
मोरयाचा गजर आम्ही करतो..
हक्काने वाजवतो
आणि
बाप्पाला नाचवतो..
म्हणूनच बोलतो,
बाप्पा मोरया मोरया
।| श्री गणेश चतुर्थीच्या
आणि श्री गणेश आगमनाच्या
हार्दिक शुभेच्छा |।

वंदन करतो गणरायाला,
हात जोडतो वरद विनायकाला..
प्रार्थना करतो गजाननाला,
सुखी ठेव नेहमी..!
साखरेपेक्षा गोड माझ्या मित्र मैत्रिणीँना..
गणेशोत्सवाच्या हार्दिक शुभॆच्छा

“नमन माझे गुरुराया”

नमन माझे गुरुराया |

महाराजा दत्तात्रया || धृ ||

तुझी अवधूत मूर्ती 

माझ्या जीवीची विश्रांती || १ ||

माझ्या जीवीचे साकडे

कोण निवारील कोडे कोडे || २ ||

माझ्या अनुसूया सुता

तुका म्हणे पाव आता || ३ ||

“नमो नमो तुज श्री गणराया 

नमो नमो तुज श्री गणराया

बुद्धी द्यावी तुझे गुण गाया

अंगी उठी शेंदुराची

कंठी शोभे माळ मुक्ता फळाची

जय घोष बोला मंगलमूर्ती मोरया ||१||

उमा महेश्वराचा असे तू बालक

भक्तांचा कैवारी, दृष्टांचा काळ

तुमची असू द्या हो आम्हावरी छाया ||२||

प्रती वर्षी घरोघरी पूजन चाले

जिकडे पहावे तिकडे भक्त आनंदाने डोले

जय घोष बोला गणपती बाप्पा मोरया ||३||

विठ्ठल नाथाची असे विनवणी

कृपा असू द्यावी पूर्ण करितो मी लेखणी

बाळ आदिनाथ तव लागे पाया ||४||

“ॐ कार स्वरूपा सद्गुरू समर्था”

ॐ कार स्वरूपा सद्गुरू समर्था

अनाथांच्या नाथा तुझ नमो….. || धृ ||

नमो मायबापा गुरुकृपाधना, तोडीया बंधना मायामोहा

मोहजाळ माझे कोण नीरशील

तुझविण दयाळा सद्गुरुराया….. || १ ||

सद्गुरुराया माझा आनंदसागर, त्रैलोक्य आधार गुरुराव

गुरुराव स्वामी असे स्वयंप्रकाश

ज्यापुढे उदास चंद्ररवी, रवी, शशी, अग्नी, नेणती रूप

स्वप्रकाश रुपा नेणे वेद…. || २ ||

एका जनार्दनी गुरुपरब्रम्, तयाचे पै सदामुखी || ३ ||

“प्रथम तुला वंदितो कृपाळा”

प्रथम तुला वंदितो कृपाळा

गजानना गणराया || धृ ||

विघ्नविनाशक, गुणीजन पालक

दुरित तीमिर हार का, सुखकारक तू दु:ख विदारक

तूच तुझ्या सारखा, वक्रतुंड ब्रम्हांड नायका

विनायक प्रभुराया ….. || १ ||

सिद्धीविनायक तूच अनंता

शिवात्मजा मंगला, शेंदूर वदना विद्याधीशा

गणाधिपा वत्सला, तूच ईश्वरा साह्य करावे,

हा भव सिंधू तराया…. || २ ||

गजवदना तव रुप मनोहर

शुक्लांबर शिवसुता, चिंतामणी तू अष्टविनायक,

सकळांची देवता रिद्धी सिद्धीच्या वर दयाळा

देईकृपेची छाया…. || ३ ||