Asach Aahe Mi

---

कुणाच्या भावना दुखावतील
असं कधी वागलोच नाही मी
बोललोही असेल कदाचित गमतीने
पण कुणाला दुखवणारा नाही मी
काचासारखा पारदर्शी आणि
पाण्यासारखा निर्मळ मी
पारा लावला तर तुम्हीच दिसणार
रंगहीन मी तुमच्या रंगात मिसळणार
असाच आहे मी खोडकर विनोदी
झालो नाही मी स्वार्थी कधी
सर्कस मधला जोकर आहे मी
रडत असलो तरी हसवत राहणारा मी
दुःख मनाला झालं की
कोपऱ्यात जाऊन रडणारा मी